Аббосбек Файзуллаев ЦСКАдан кетганига афсусланмайди
Туркиянинг «Башакшехир» клуби ярим ҳимоячиси Аббосбек Файзуллаев ЦСКАдан кетганига афсусланадими, деган саволга жавоб берди. Ўзбекистонлик футболчи «армиячилар» сафида 2023 йилдан 2025 йилгача тўп сурган.
— ЦСКАдан кетганингиздан сўнг Туркиянинг «Истанбул Башакшехир» клубидаги мавсум ҳақида гапириб берсангиз. Умуман, у ерга қандай ўтдингиз ва бундан афсусланмайсизми, агар жароҳатлар туфайли икки марта узоқ муддатни ўтказиб юборганингизни ҳисобга олсак?
— Ҳеч нарсадан афсусланмайман, нимаики қилинса, ҳаммаси яхшиликка. Ўтишнинг ўзи жуда қийин бўлди. Бошида клуб мени рўйхатдан ўтказа олмади ва мен уч ҳафтача вақт йўқотдим, шекилли. Жамоа билан шуғуллана олмадим, ўзим ишладим. Ва бу менинг жисмоний ҳолатимга таъсир қилди, шу сабабли, ўйлайманки, шикастланишлар бошланди.
Авваллари фаолиятимда бирор марта ҳам жароҳат олмагандим, ўйинларни ўтказиб юбормагандим. Бу ерда эса бироз вақт йўқотдим ва шу сабабли жисмоний ҳолатим юқори даражада эмасди. Аммо кейин кўникдим, кейин эса жамоага янги мураббий келди, — дея Файзуллаевнинг сўзларидан иқтибос келтиради «Спорт-экспресс».
