Аббосбек Файзуллаев тиббий кўрикдан муваффақиятли ўтди
Фото: Getty Images
Ўзбекистон миллий терма жамоаси ярим ҳимоячиси Аббосбек Файзуллаев ЦСКАни тарк этишга яқин турибди.
Championat.com хабар беришича, 21 ёшли футболчи Туркиянинг “Истанбул Башакшеҳир” клубига ўтиш олдидан тиббий кўрикдан муваффақиятли ўтди.
Манбага кўра, эртага трансфер расман эълон қилиниши мумкин.
Эслатиб ўтамиз, Файзуллаев “армиячилар”нинг РПЛ 1-тури доирасида “Оренбург”га (0:0) қарши ўйин учун қайдномасига киритилмаганди.
Қайд этилишича, “Истанбул Башакшеҳир” Файзуллаев трансфери учун 7,5 миллион евро сарфлайди.
Розикжон Султонмуродов
Журналист