Аббосбек Файзуллаев ССКА билан шартномани узайтириш ҳақида фикр билдирди
ФОТО: pfc-cska.com
Москванинг ССКА клуби ярим ҳимоячиси Аббосбек Файзуллаев “армиячилар” билан шартномасини узайтириш мумкинлиги ҳақидаги хабарларга изоҳ берди.
“Биз ҳали ССКА билан шартномани узайтириш масаласини муҳокама қилганимиз йўқ”, - дейди Файзуллаев.
Эслатиб ўтамиз, аввалроқ ОАВда Файзуллаевнинг вакиллари шартномани узайтириш масаласини муҳокама қилаётгани, бироқ Аббос кўпроқ Европага эътибор қаратаётгани ҳақида хабарлар тарқалганди.
Маълумот учун, Файзуллаев жорий мавсум барча турнирларда 33 та ўйинда майдонга тушиб, 3 та гол урди ва 7 та голли узатмани амалга оширди. Унинг ССКА билан тузган амалдаги шартномаси 2026-йилнинг ёзига қадар амал қилади.
Насрулло Каримов
Журналист