Аббосбек Файзуллаев Россия Суперкубоги соҳиби бўлди
Ўзбек яримҳимоячиси ЦСКА таркибида трофейни қўлга киритди ва келажагига ойдинлик киритмади
Расм: Sports.ru
Ўзбекистон миллий термаси ва ЦСКА клуби яримҳимоячиси Аббосбек Файзуллаев Россия Суперкубогини қўлга киритди. 12 июл куни Москва жамоаси “Краснодар” устидан 1:0 ҳисобида ғалаба қозониб, навбатдаги трофейни ютиб олди.
Баҳсдан сўнг Файзуллаев журналистлар билан суҳбатлашди. ОАВ вакиллари ундан бу ўйин ЦСКА сафидаги сўнггиси эмасми, деб сўрашди.
— Ўзим ҳам ҳали аниқ билмайман, — дея жавоб берди футболчи.
Таъкидлаш жоиз, Аббосбек Файзуллаев ҳозирда Россия Кубоги ва Суперкубоги соҳиби ҳисобланади.
Бакрадзе Иман
Редактор