Abbosbek Fayzullayev Rossiya Superkubogi sohibi bo‘ldi
O‘zbek yarimhimoyachisi CSKA tarkibida trofeyni qo‘lga kiritdi va kelajagiga oydinlik kiritmadi
Rasm: Sports.ru
O‘zbekiston milliy terma jamoasi va CSKA klubi yarimhimoyachisi Abbosbek Fayzullayev Rossiya Superkubogini qo‘lga kiritdi. 12 iyul kuni Moskva jamoasi “Krasnodar” ustidan 1:0 hisobida g‘alaba qozonib, navbatdagi trofeyni yutib oldi.
Bahsdan so‘ng Fayzullayev jurnalistlar bilan suhbatlashdi. OAV vakillari undan bu o‘yin CSKA safidagi so‘nggisi emasmi, deb so‘rashdi.
— O‘zim ham hali aniq bilmayman, — deya javob berdi futbolchi.
Ta’kidlash joiz, Abbosbek Fayzullayev hozirda Rossiya Kubogi va Superkubogi sohibi hisoblanadi.
Bakradze Iman
Redaktor