Аббосбек Файзуллаев нега ўйинида пасайиш кузатилаётганига изоҳ берди
Москванинг ССКА клуби ярим ҳимоячиси Аббосбек Файзуллаев Россия Премьер-лигасининг жорий мавсумидаги ўйини ҳақида фикр билдирди.
- Жорий мавсумдаги ўйинингизни қандай баҳолаган бўлар эдингиз? Сиз ўтган йилдаги каби ёрқин ўйин кўрсата олмаяпсиз.
- Иккинчи даврадаги кўрсаткичим ўзгарганга ўхшаяпти. Айтмоқчиманки, бу мен учун янги позиция, мен кўпроқ орқага қайтиб ўйнаяпман. Шу сабаб, мен яна ўтган йилги ишларимни қила олмайман деб ўйлайман.
Лекин энг муҳими мен жамоага ёрдам беришни хоҳлайман. Агар мураббий мени ўша ерга қўйиб, у ерда менга имконият берса, мен ўйнаб, жамоага ёрдам беришга ҳаракат қиламан.
- Марко Нилолич (ССКА мураббийи) билан бу мавзуни муҳокама қилдингизми?
- Ҳа, албатта. Мураббий менинг жисмоний ҳолатимни яхши билади. Қишки йиғин чоғида синовлар ўтказдик ва мен яхши натижаларга эришдим. Шунинг учун мураббий мени шу позицияга қўйди. У менга бу ерда қандай ўйнашни ўргатади, мен эса ҳаракат қиламан”, - дея Файзуллаевнинг сўзларини келтиради Match TV.
Маълумот учун, Аббосбек Файзуллаев жорий мавсум ССКА сафида жами 33 та ўйинда майдонга тушиб, 3 та гол урди ва 7 та голли узатмани амалга оширди. Унинг Transfermarkt'даги нархи 8 миллион еврога баҳоланмоқда.