Аббосбек Файзуллаев “Истанбул Башакшехир”да машғулотларни бошлади
Ёш ярим ҳимоячи янги клубида илк бор машғулотга тушди
Расм: Instagram
Кеча, 30 июл куни “Истанбул Башакшехир” клуби ўзбекистонлик футболчи Аббосбек Файзуллаев билан шартнома имзолаганини расман эълон қилди. Клуб томонидан эълон қилинган суратларда 21 ёшли ярим ҳимоячининг янги жамоаси сафида машғулотларни бошлагани акс этган.
Маълумот учун, жорий мавсум бошланишидан олдин Ўзбекистон терма жамоасининг ҳужумчиси Элдор Шомуродов ҳам “Истанбул Башакшехир”га ижара асосида қўшилган эди.
Файзуллаев Россиянинг ЦСКА клуби сафида 2 мавсум фаолият юритди. Ушбу давр мобайнида 72 та ўйинда майдонга тушиб, 8 та гол муаллифи бўлди ҳамда 22 та голли узатма амалга оширди.
Бакрадзе Иман
Редактор