Аббос Ғуломов — энди «Насаф» футболчиси

Наманганнинг «Навбаҳор» жамоасини тарк этган футболчи Аббос Ғуломов Қаршининг «Насаф» клубига кўчиб ўтди. Бу ҳақида «аждарлар» матбуоти хабар берди.

«Ўзининг водий клубларидаги ишончли ва сермаҳсул ўйинлари билан футбол мухлислари эътиборини қозонган тажрибали ярим ҳимоячи Аббос Ғуломов фаолиятини энди "Насаф" сафида давом эттиради.

Томонлар ўртасида эришилган келишувга кўра, футболчи мавсум якуннига қадар жамоамиз шарафини ҳимоя қилади. Шунингдек, шартномани узайтириш банди ҳам битимдан ўрин олган.

"Аждарлар" оиласига хуш келибсан, Аббос!»,— деб ёзилади клуб расмий саҳифасида.

Иброҳим Жалолов

Редактор