Аббос Эргашев — «Гулистон» бош мураббийи
Аббос Эргашев Сирдарёнинг «Гулистон» клуби бош мураббийи этиб тайинланди. Бу ҳақда клуб матбуот хизмати хабар берди.
«Гулистон» футбол клуби раҳбариятининг қарорига кўра, Аббос Эргашев бош мураббий лавозимига тайинланди. Бу мутахассис янги мавсумда жамоани бошқаради. Унинг олдига «Гулистон»ни Про-лигага олиб чиқиш вазифаси қўйилган.
Эргашев бунга қадар «Зомин» ва «Янгиер-Қурувчи» жамоаларида ёрдамчи мураббий сифатида ишлаган, ёшлардаги юқори натижаларга эришган. Ўзбекистон U-20, ўсмирлар жамоалари учун кўплаб футболчиларни етиштириб берган.
Шунингдек, FIFAнинг нуфузли Инструкторлар курсини тамомлаган ва ЎФА инструктори сифатида мутахассисларга таълим бериб келаётган эди.
Бош мураббийга янги мавсумда жамоа билан муваффақият қозониш, сирдарёлик футбол ишқибозларини унутилмас ғалабалар билан хурсанд этиши йўлида омад тилаб қоламиз», — дейилади хабарда.
