Abbos Ergashev — «Guliston» bosh murabbiyi
Abbos Ergashev Sirdaryoning «Guliston» klubi bosh murabbiyi etib tayinlandi. Bu haqda klub matbuot xizmati xabar berdi.
«Guliston» futbol klubi rahbariyatining qaroriga ko'ra, Abbos Ergashev bosh murabbiy lavozimiga tayinlandi. Bu mutaxassis yangi mavsumda jamoani boshqaradi. Uning oldiga «Guliston»ni Proligaga olib chiqish vazifasi qo'yilgan.
Ergashov bunga qadar «Zomin» va «Yangiyer-Quruvchi» jamoalarida yordamchi murabbiy sifatida ishlagan, yoshlardagi yuqori natijalarga erishgan. O'zbekiston U-20, o'smirlar jamoalari uchun ko'plab futbolchilarni yetishtirib bergan.
Shuningdek, FIFAning nufuzli Instruktorlar kursini tamomlagan va O'FA instruktori sifatida mutaxassislarga ta'lim berib kelayotgan edi.
Bosh murabbiyga yangi mavsumda jamoa bilan muvaffaqiyat qozonish, sirdaryolik futbol ishqibozlarini unutilmas g'alabalar bilan xushnud etishi yo'lida omad tilab qolamiz», — deyiladi xabarda.
