А Сериянинг икки клуби «Ливерпул»дан Федерико Кеза бўйича маълумот сўради
Италия чемпионатининг икки клуби «Ливерпул» ҳужумчиси Федерико Кеза ҳақида маълумот сўраган. Ҳозирги кунда 28 ёшли футболчи ўз келажаги бўйича ҳали қарор қабул қилмаган. Бу ҳақда журналист Николо Скира ижтимоий тармоқлардаги саҳифасида хабар берди.
Манба маълумотларига кўра, вингер «Ливерпул»да қолишни истайди, аммо Мерсисайд клубида у етарли ўйин амалиёти олишга муваффақ бўлмаяпти. Олдинроқ «Рома» ва «Наполи» ҳам италиялик ҳужумчига қизиқиш билдирган эди.
Жорий мавсумда Кеза барча турнирларда 18 ўйинда майдонга тушиб, 2 та гол ва 3 та самарали узатмани амалга оширган. Умумий ҳисобда футболчи 392 дақиқа майдонда ҳаракат қилган. Унинг клуб билан амалдаги меҳнат шартномаси 2028 йил ёзигача мўлжалланган. Transfermarkt портали маълумотига кўра, унинг бозор қиймати 18 миллион еврони ташкил қилади.
