А Сериянинг икки клуби кореялик футболчига қизиқмоқда
Ҳар икки клуб ҳам январь ойидаёқ “Наполи”нинг собиқ футболчиси учун курашишга тайёр.
ФОТО: Getty images
“Бавария” марказий ҳимоячиси Ким Мин Же А Серияга қайтиши мумкин. Бу ҳақда La Gazette dello Sport хабар берди.
Манбага кўра, “Милан” ва “Ювентус” жамоалари 28 ёшли жанубий кореялик футболчига қизиқиш билдирмоқда.
Ҳар икки клуб ҳам январь ойидаёқ “Наполи”нинг собиқ футболчиси учун курашишга тайёр.
Айни вақтда “Ювентус” қайтадан жароҳат олган Глейсон Бремерга ўринбосар қидирмоқда. Миланликлар эса ёзда кореялик футболчи бўйича таклиф юборганди. Бироқ томонлар ўртасида келишув амалга ошмаганди.
Бироқ А Серия клублари футболчининг юқори маоши сабаб трансферни амалга оширишда муаммога дуч келиши мумкин.
Розикжон Султонмуродов
Журналист
