А Серия. «Рома» сафарда «Комо»га ютқазиб қўйди
Италия А Сериясининг 29-туридан ўрин олган «Комо» ва «Рома» жамоалари ўртасидаги учрашув якунига етди. «Жузеппе Синигаля» стадионида бўлиб ўтган баҳсда мезбонлар 2:1 ҳисобида ғалаба қозонди.
Учрашувнинг 7-дақиқасида меҳмонлар ҳужумчиси Дониелл Мален 11 метрлик жарима зарбасини аниқ амалга ошириб, ҳисобни очди. Иккинчи бўлимнинг 59-дақиқасида «Комо» ҳужумчиси Анастасиос Дувикас мувозанатни тиклади. 64-дақиқада Рим клуби аъзоси Уесли Франса қизил карточка олиб, майдонни тарк этди. Орада кўп ўтмай, 79-дақиқада ҳимоячи Диего Карлос мезбонларни ҳисобда олдинга олиб чиқди ва ушбу гол ўйинда ҳал қилувчи вазифани бажарди.
Италия чемпионатининг 29-туридан сўнг «Рома» 51 очко билан олтинчи ўринда бормоқда. «Комо» эса 54 очко жамғарган ҳолда турнир жадвалининг тўртинчи поғонасини эгаллаб турибди.
А Серия. 29-тур
«Комо» — «Рома» 2:1
Голлар: Дувикас (59), Карлос (79) — Мален (7).
