А Серия. «Рома» мавсумни ғалаба билан бошлади
Фото: Getty Images
Италия чемпионатининг 1-турида “Рома” клуби Римда “Болонья”ни қабул қилди.
Беллашув 1:0 ҳисобида “бўрилар”нинг ғалабаси билан якунланди. Ягона гол 53-дақиқада Уэсли Франса ҳисобига ёзилди.
Шу тариқа, “Рома” Жан-Пьеро Гасперини қўл остида мавсумни ғалаба билан бошлади. Рим клуби келаси турни сафарда “Пиза”га қарши ўтказади. “Болонья” эса уйда “Комо”ни қабул қилади.
Эслатиб ўтамиз, ўтган мавсум “Рома” А Серияда 5-ўринни эгаллаганди. “Болонья” эса Италия кубоги соҳибига айланганди.
А Серия. 1-тур
«Рома» 1:0 «Болонья»
Гол: Уэсли Франса 53.
Розикжон Султонмуродов
Журналист