А Серия. «Милан» «Женоа»га қарши ўйинда 90+2-дақиқадаги гол эвазига мағлубиятдан қутулиб қолди
Италия А Серияси 19-тури доирасида «Милан» ва «Женоа» жамоалари ўртасидаги учрашув бўлиб ўтди. Ўйин 1:1 ҳисобигаги дуранг билан якунланди.
Учрашувда ҳисоб 28-дақиқада «Женоа» ҳужумчиси Лоренсо Коломбо томонидан очилди. Голга яримҳимоячи Руслан Малиновский ассистентлик қилди. Иккинчи бўлимда, 58-дақиқада, мезбонлар ҳужумчиси Кристиан Пулишич гол урди, бироқ у бекор қилинди. Учрашув якунига яқин, 90+2-дақиқада, Рафаэл Леау ҳисобни тенглаштирди.
90+9-дақиқада эса Николайе Станчу меҳмонларни олдинга олиб чиқиши мумкин эди, бироқ у пеналтидан унумли фойдалана олмади.
Маълумот учун, «Женоа» 19 ўйиндан сўнг 16 очко жамғарган ҳолда турнир жадвалида 17-ўринни эгаллаб турибди. «Милан» эса 39 очко билан иккинчи поғонада жойлашган. Турнир жадвалида 42 очко билан «Интер» етакчилик қилмоқда.
А Серия. 19-тур
«Милан» — «Женоа» 1:1
Голлар: Леау (90+2) — Коломбо (28).
