А Серия. «Милан» ўз уйида «Сассуоло» билан жанговар дуранг қайд этди
Учрашувда жами 4та гол урилди.
ФОТО: Getty images
"Милан" ўз майдонида А Серия 15-туридан ўрин олган "Сассуоло"га қарши баҳс олиб борди - 2:2.
Мезбонлар сафида 19 ёшли ҳимоячи Давиде Бартезаги (34 ва 47-дақиқалар) дубль қайд этган бўлса, меҳмонлар сафида ярим ҳимоячилар Исмоил Коне (13) ва Арман Лорьенте (77) ўз ҳисобига гол ёздириб қўйди.
"Милан" 32 очко билан Италия чемпионати турнир жадвалида пешқадамлик қилаётган бўлса, "Сассуоло" 21 очко билан тўққизинчи ўринда бормоқда.
А Серия. 15-тур
Милан - Сассуоло - 2:2
Голлар: Коне, 13 (0:1). Бартесаги, 34 (1:1). Бартесаги, 47 (2:1). Лорьенте, 77 (2:2)
Розикжон Султонмуродов
Журналист