А Серия. «Милан» сафарда «Верона»ни минимал ҳисобда мағлуб этди
«Россонерилар» ушбу ғалаба орқали турнир жадвалида иккинчи ўринга кўтарилиб олди.
ФОТО: Getty Images
Италия А Сериясининг 33-тури доирасида «Верона» ҳамда «Милан» жамоалари ўртасидаги учрашув ўз ниҳоясига етди. Веронадаги «Маркантонио Бентегоди» стадионида бўлиб ўтган баҳсда меҳмонлар 1:0 ҳисобига ғалаба қозонди.
Учрашувдаги ягона голга Адриен Рабио муаллифлик қилди. «Россонерилар» яримҳимоячиси биринчи бўлим якунида, яъни 41-дақиқада рақиб дарвозасини ишғол этишга муваффақ бўлди.
Ушбу натижадан сўнг «Верона» Италия чемпионати турнир жадвалида 33 ўйиндан кейin 18 очко билан охиридан битта олдинги — 19-ўринни эгаллаб турибди. «Милан» эса 66 очко билан иккинчи поғонага кўтарилиб олди. Лигада 78 очко тўплаган «Интер» ҳануз пешқадамлик қилмоқда.
Насрулло Каримов
Журналист