A Seriya. «Milan» safarda «Verona»ni minimal hisobda magʻlub etdi
«Rossonerilar» ushbu gʻalaba orqali turnir jadvalida ikkinchi oʻringa koʻtarilib oldi.
FOTO: Getty Images
Italiya A Seriyasining 33-turi doirasida «Verona» hamda «Milan» jamoalari o‘rtasidagi uchrashuv o‘z nihoyasiga yetdi. Veronadagi «Markantonio Bentegodi» stadionida bo‘lib o‘tgan bahsda mehmonlar 1:0 hisobida g‘alaba qozondi.
Uchrashuvdagi yagona golga Adrien Rabio mualliflik qildi. «Rossonerilar» yarimhimoyachisi birinchi bo‘lim yakunida, ya’ni 41-daqiqada raqib darvozasini ishg‘ol etishga muvaffaq bo‘ldi.
Ushbu natijadan so‘ng «Verona» Italiya chempionati turnir jadvalida 33 o‘yindan keyin 18 ochko bilan oxiridan bitta oldingi — 19-o‘rinni egallab turibdi. «Milan» esa 66 ochko bilan ikkinchi pog‘onaga ko‘tarilib oldi. Ligada 78 ochko to‘plagan «Inter» hamon peshqadamlik qilmoqda.
Nasrullo Karimov
Jurnalist