А Серия. «Милан» дербида «Интер»ни мағлуб этди ва орадағы фарқни қисқартирди
Италия А Сериясининг 28-туридан ўрин олган марказий баҳсда «Милан» ўз майдонида «Интер»ни қабул қилди. «Сан-Сиро» стадионида кечган муросасиз беллашув «россонерилар»нинг 1:0 ҳисобидаги ғалабаси билан якунланди.
Даниеле Довери бошчилигидаги ҳакамлар бригадаси бошқарган баҳс тақдирини ягона гол ҳал қилди. Учрашувнинг 35-дақиқасида «Милан» ҳимоячиси Первис Эступиньян рақиб дарвозасини ишғол қилиб, жамоасига муҳим уч очкони тақдим этди.
Ушбу ғалаба эвазига «Милан» ўз очколари сонини 60 тага етказиб олди ва турнир жадвалида иккинчи ўринга мустаҳкам жойлашди. Мағлубиятга учраганига қарамай, 67 очко билан «Интер» ҳамон пешқадамликни давом эттирмоқда, бироқ жамоалар ўртасидаги фарқ энди 7 очкони ташкил этади.
А Серия. 28-тур
«Милан» — «Интер» 1:0
Гол: Эступиньян (35).
