A Seriya. «Milan» derbida «Inter»ni magʻlub etdi va oradagi farqni qisqartirdi
Italiya A Seriyasining 28-turidan o‘rin olgan markaziy bahsda «Milan» o‘z maydonida «Inter»ni qabul qildi. «San-Siro» stadionida kechgan murosasiz bellashuv «rossonerilar»ning 1:0 hisobidagi g‘alabasi bilan yakunlandi.
Daniele Doveri boshchiligidagi hakamlar brigadasi boshqargan bahs taqdirini yagona gol hal qildi. Uchrashuvning 35-daqiqasida «Milan» himoyachisi Pervis Estupinyan raqib darvozasini ishg‘ol qilib, jamoasiga muhim uch ochkoni taqdim etdi.
Ushbu g‘alaba evaziga «Milan» o‘z ochkolari sonini 60 taga yetkazib oldi va turnir jadvalida ikkinchi o‘ringa mustahkam joylashdi. Mag‘lubiyatga uchraganiga qaramay, 67 ochko bilan «Inter» hamon peshqadamlikni davom ettirmoqda, biroq jamoalar o‘rtasidagi farq endi 7 ochkoni tashkil etadi.
A Seriya. 28-tur
«Milan» — «Inter» 1:0
Gol: Estupinyan (35).
