А Серия дебютани Варди билан музокараларни давом эттирмоқда
Фото: Getty Images
Ҳужумчи Жейми Варди ўтган мавсум охирида "Лестер" билан шартномаси тугаганидан бери клубсиз эди.
Журналист Жанлука Ди Марционинг хабар беришича, 38 ёшли футболчи А Серия иштирокчиси “Кремонезе” билан музокараларни давом эттирмоқда. Томонлар келишув арафасида.
Таъкидланишича, 38 ёшли ҳужумчи ҳам фаолиятини Италия чемпионатида давом эттиришга тайёр. Шартноманинг айрим бандлари борасида музокаралар давом этмоқда.
Эслатиб ўтамиз, Варди 2012 йилдан 2025 йилгача “Лестер”даги фаолияти давомида клуб сафида барча мусобақаларда 500 та ўйинда 200 та гол урган ва 71 та голли узатмани амалга оширган.
Розикжон Султонмуродов
Журналист