96 ёшли америкалик мухлисага Мбаппенинг либоси совға қилинди
АҚШлик мухлиса Франция терма жамоаси машғулотларига ташриф буюрди.
ФОТО: Getty images
96 ёшли америкалик мухлиса Ширли 2026 йилги жаҳон чемпионати вақтида Францич футболчилари билан учрашиб, улардан эсдалик совғаларини қабул қилди.
Ширли ҳар тонг Four Seasons Hotel Boston меҳмонхонаси олдига келиб, Дидье Дешам бошчилигидаги жамоанинг машғулотга йўл олишини кузатиб туради.
Учрашув давомида Килиан Мбаппе унга ўз футболкасини совға қилди.
«Улар менга Килиан Мбаппенинг футболкасини совға қилишди. У агар жамоа ғолиб чиқса, уни албатта имзолаб беришини айтди. Шунда унинг қиймати янада ошади, деди.
Мен бу жамоани жуда яхши кўраман! Катта раҳмат! Бутун қалбим билан миннатдорчилик билдираман. Бу ажойиб инсонлар ва ажойиб мамлакатдан келган бебаҳо совға. Улар менга эътибор қаратганидан ўзимни жуда бахтиёр ҳис қилдим», — деди Ширли.