200 дан ортиқ мамлакат Инфантинони қўллаб-қувватлади

ФИФА президенти Жанни Инфантино ташкилот раҳбари лавозимига яна бир муддат сайланишга жуда яқин турибди.

Сўнгги маълумотларга кўра, ФИФАга аъзо 211 та миллий ассотсиациядан 200 дан ортиғи Инфантинонинг навбатдаги президентлик муддатини қўллаб-қувватлашини расман билдирган. Айни пайтда у сайловдаги ягона номзод бўлиб қолмоқда.

Гарчи сўнгги ҳафталарда ФИФА айрим баҳсли қарорлар сабаб танқидларга учраган бўлса-да, аксарият миллий федерациялар амалдаги президентни қўллаб-қувватлашда давом этмоқда. Фақат бир нечта, асосан Европа футбол ассотсиациялари ҳали ўз позициясини расман эълон қилмаган.

Агар вазият ўзгармаса, Жанни Инфантино ФИФА президенти сифатида тўртинчи муддатга қайта сайланади.

Насрулло Каримов

Журналист