200 dan ortiq mamlakat Infantinoni qo‘llab-quvvatladi

FIFA prezidenti Janni Infantino tashkilot rahbari lavozimiga yana bir muddat saylanishga juda yaqin turibdi.

So‘nggi ma'lumotlarga ko‘ra, FIFAga a'zo 211 ta milliy assotsiatsiyadan 200 dan ortig‘i Infantinoning navbatdagi prezidentlik muddatini qo‘llab-quvvatlashini rasman bildirgan. Ayni paytda u saylovdagi yagona nomzod bo‘lib qolmoqda.

Garchi so‘nggi haftalarda FIFA ayrim bahsli qarorlar sabab tanqidlarga uchragan bo‘lsa-da, aksariyat milliy federatsiyalar amaldagi prezidentni qo‘llab-quvvatlashda davom etmoqda. Faqat bir nechta, asosan Yevropa futbol assotsiatsiyalari hali o‘z pozitsiyasini rasman e'lon qilmagan.

Agar vaziyat o‘zgarmasa, Janni Infantino FIFA prezidenti sifatida to‘rtinchi muddatga qayta saylanadi.

Nasrullo Karimov

Jurnalist