19 апрел куни ўзбек легионерлари майдонга тушишади: Шомуродов, Хусанов, Раҳмоналиев, Тургунбоев, Эсанов
19 апрел куни бир қатор ўзбек легионерлари ўз клублари сафида майдонга тушишади.
Ўйинлар тақвими (Тошкент вақти билан):
Туркия Суперлигасининг 32-турида Азиз Тургунбоев тўп сураётган «Сивасспор» клуби «Қасимпаша»га қарши баҳс олиб боради. Ўйин 15:30 да бошланади.
Россия Премер-лигасининг навбатдаги турида Шерзод Эсанов тўп сураётган «Акрон» жамоаси Москванинг «Спартак» клубини қабул қилади. Ўйин 16:30 да старт олади.
Озарбайжон чемпионатида «Сабах» жамоаси ўз майдонида «Сабайил»га қарши майдонга тушади. Ўзбек ярим ҳимоячиси Умарали Раҳмоналиев «Сабах» сафида тўп суради. Баҳс 18:30 да бошланади.
Англия Премер-лигасининг 33-турида Абдуқодир Хусанов ҳаракат қилаётган «Манчестер Сити» сафарда «Эвертон»га қарши ўйнайди. Ўйин 19:00 да бошланади.
Италия А Сериясининг 33-турида Элдор Шомуродов тўп сураётган «Рома» жамоаси сафарда «Верона»га қарши баҳс олиб боради. Ўйин 23:45 да старт олади.
