19 aprel kuni o'zbek legionerlari maydonga tushishadi: Shomurodov, Husonov, Rahmonaliyev, Turg'unboyev, Esonov
19 aprel kuni bir qator o'zbek legionerlari o'z klublari safida maydonga tushishadi.
O'yinlar taqvimi (Toshkent vaqti bilan):
Turkiya Superligasining 32-turida Aziz Turg'unboyev to'p surayotgan "Sivasspor" klubi "Qasimpasha"ga qarshi bahs olib boradi. O'yin 15:30 da boshlanadi.
Rossiya Premer-ligasining navbatdagi turida Sherzod Esonov to'p surayotgan "Akron" jamoasi Moskvaning "Spartak" klubini qabul qiladi. O'yin 16:30 da start oladi.
Ozarbayjon chempionatida "Sabah" jamoasi o'z maydonida "Sabayil"ga qarshi maydonga tushadi. O'zbek yarim himoyachisi Umirali Rahmonaliyev "Sabah" safida to'p suradi. Bahs 18:30 da boshlanadi.
Angliya Premer-ligasining 33-turida Abduqodir Husonov harakat qilayotgan "Manchester City" safarda "Everton"ga qarshi o'ynaydi. O'yin 19:00 da boshlanadi.
Italiya A Seriyasining 33-turida Eldor Shomurodov to'p surayotgan "Roma" jamoasi safarda "Verona"ga qarshi bahs olib boradi. O'yin 23:45 da start oladi.
