17 ёшгача Осиё Кубоги: 9 апрель куни Ўзбекистон терма жамоаси Саудия Арабистонига қарши майдонга тушади
9 апрель куни Саудия Арабистонида 17 ёшгача бўлганлар ўртасидаги Осиё Кубогининг учинчи тури старт олади. Ўзбекистон терма жамоаси U-17 Саудия Арабистони терма жамоасига қарши ўйнайди. Ушбу учрашув Тошкент вақти билан 22:15 да Таиф шаҳридаги «Қирол Фахд» стадионида бошланади.
Шуни таъкидлаш жоизки, ҳар икки жамоа гуруҳдаги биринчи икки учрашувда ғалаба қозонган ва шу орқали жаҳон чемпионати ва кейинги турга ўтишни таъминлади. Энди жамоаларга гуруҳда биринчи ёки иккинчи ўринни эгаллаш керак бўлади.
17 ёшгача бўлганлар орасидаги Осиё Кубоги ҳар икки йилда бир марта ўтказилади ва бу турнир 2023 йилги ёшлар жаҳон чемпионатига йўлланмани тақдим этади. Ушбу чемпионат 3 ноябрдан 27 ноябргача Қатарда ўтказилади. Четвертьфиналга ўз гуруҳида биринчи ва иккинчи ўринни эгаллаган жамоалар чиқади ва улар мундиалга йўлланма олишади.