Жервонта Дэвис қидирувга берилди
Ёнгил вазн тоифасида уч карра жаҳон чемпиони, 31 ёшли америкалик профессионал боксчи Жервонта Дэвис синов муддати шартларини бузганликда гумон қилиниб, расман қидирувга берилди. Бу ҳақда TM3 нашри хабар бермоқда.
Манбага кўра, Мэриленд штати суди 24-апрель куни боксчини ҳибсга олиш тўғрисида ордерни имзолаган. Бунга Дэвиснинг 2020-йилда Балтиморда содир этган ЙТҲ (пиёдаларни уриб юбораб, воқеа жойидан қочиб кетганлик) иши бўйича белгиланган синов муддати талабларини бузгани сабаб бўлган.
Суд ушбу ордерни илк бор 2026-йилнинг февраль ойида, “Tank” Майамида оғир жиноятлар (ҳужум қилиш, қонунийсиз озодликдан маҳрум қилиш ва одам ўғирлашга уриниш) содир этганликда айбланиб, ҳибсга олинганидан сўнг чиқарган эди.
Ўшанда Дэвиснинг адвокатлари унинг ҳуқуқ-тартибот органлари билан ҳамкорлик қилаётганини рўкач қилиб, ордерни бекор қилишга эришишганди. Бироқ эндиликда ҳужжат расмий кучга кирди ва Дэвис қидирувга берилди.
Маълумот учун, Жервонта Дэвис профессионал боксда 31 та жанг ўтказиб, 30 та ғалаба ва 1 та дуранг қайд этган. Жангларининг 28 тасида рақибларини муддатидан аввал мағлуб этган.
