Жейк Пол ММАда Усик билан жанг қилмоқчи

29 ёшли таниқли америкалик боксчи ва блогер Жейк Пол ўзининг бўлажак рақиблари рўйхатини маълум қилди. Бу ҳақда у ўзининг YouTube-каналидаги видеолавҳада айтиб ўтди.

«Энтони Жошуа билан яна жанг қиламан деб ўйламайман — вазн тоифамда қолиш мен учун муҳим. ММАда ҳам ўзимни синаб кўриш эҳтимолини инкор этмайман. Ҳозирда Netflix платформасида бокс шоуларини фаол тарғиб қилмоқдамиз. Потенциал рақибларим қаторида ММА қоидалари бўйича Усик, Френсис Нганну, Раян Гарсия ёки Томми Фьюри каби номлар бор», — деди Жейк Пол.

Таъкидлаш жоизки, америкалик спортчининг профессионал бокс рекордида 12 та ғалаба ва 2 та мағлубият қайд этилган. Пол профессионал боксдаги фаолиятини 2020 йил январ ойида бошлаган.

Насрулло Каримов

Журналист