Жейк Пол келажакдаги режалари ҳақида гапирди
Америкалик боксчи WBA рейтингида 14-ўринни эгаллаб турибди.
ФОТО: Getty Images
WBA рейтингида супероғир вазн тоифасида 14-ўринда бораётган америкалик боксчи Жейк Пол ҳаётидаги кейинги режалари билан ўртоқлашди.
«Бир оз танаффус олиб, Олимпия ўйинларида қиз дўстим Ютта Лердамни қўллаб-қувватламоқчиман. Шунингдек, у Пуэрто-Рикога, бу ерга — АҚШга кўчиб келади. Балки бирга сноуборд учармиз. Ростини айтсам, мен болали бўлишга ҳам тайёрман. Болаларга бўлган иштиёқим жуда кучли, мен уларни жуда хоҳлайман», — дея Жейк Полнинг сўзларини келтиради Bloody Elbow нашри.
Жейк Пол 28 ёшда. Америкалик спортчининг профессионал боксдаги фаолияти давомида 12 та ғалаба ва 2 та мағлубият қайд этилган. У профессионал рингдаги дебютини 2020 йил январ ойида амалга оширган.
Насрулло Каримов
Журналист