Jeyk Pol kelajakdagi rejalari haqida gapirdi
Amerikalik bokschi WBA reytingida 14-o‘rinni egallab turibdi.
FOTO: Getty Images
WBA reytingida superog‘ir vazn toifasida 14-o‘rinda borayotgan amerikalik bokschi Jeyk Pol hayotidagi keyingi rejalari bilan o‘rtoqlashdi.
«Bir oz tanaffus olib, Olimpiya o‘yinlarida qiz do‘stim Yutta Lerdamni qo‘llab-quvvatlamoqchiman. Shundan so‘ng u Puerto-Rikoga, bu yerga — AQShga ko‘chib keladi. Balki birga snoubord ucharmiz. Rostini aytsam, men bolali bo‘lishga ham tayyorman. Bolalarga bo‘lgan ishtiyoqim juda kuchli, men ularni juda xohlayman», — deya Jeyk Polning so‘zlarini keltiradi Bloody Elbow nashri.
Jeyk Pol 28 yoshda. Amerikalik sportchining professional boksdagi faoliyati davomida 12 ta g‘alaba va 2 ta mag‘lubiyat qayd etilgan. U professional ringdagi debyutini 2020 yil yanvar oyida amalga oshirgan.
Nasrullo Karimov
Jurnalist