Жейк Пол энди Франсис Нганну билан жанг қилмоқчи
Америкалик боксчи ва интернет юлдузи Жейк Пол Энтони Жошуага қарши жангда мағлубиятга учраганидан сўнг собиқ UFC чемпиони Франсис Нганнуга қарши рингга чиқишга тайёр эканини маълум қилди.
«Ҳаммага айтдим — мен Франсисдан яхшироқ бўламан. Франсисда, гўё, характер йўқ. У жуда юмшоқ… Мен у билан жанг қиламан. Ўйлайманки, энди у эҳтимол бу чақируни қабул қилади», — деди Жейк Пол IMPAULSIVE YouTube-канали учун эълон қилинган видеода.
Эслатиб ўтамиз, 20 декабрь куни Жейк Пол Энтони Жошуага қарши баҳсда олтинчи раундда нокаут билан мағлуб бўлган эди. Нганнунинг Жошуага қарши жанги эса 2024 йил 9 мартга ўтар кечаси бўлиб ўтган ва британиялик боксчининг иккинчи раунддаги нокаутли ғалабаси билан якунланган.
Биринчи раундда Жошуа Франсис Нгануни илк бор нокдаунга учратган бўлса, иккинчи раундда бу ҳолат яна такрорланган ва шундан сўнг жанг тўхтатилган эди.
