Ўзбекистонлик боксчилардан яна икки муҳим ғалаба
Расм: boxing.uz
Кеча, 27 май куни ўтган чорак финал баҳсларида икки нафар боксчимиз ярим финалга йўл олди.
54 кг вазн тоифасида Феруза Казакова ҳиндистонлик Абҳа Сингхни аниқ устунлик билан — 5:0 ҳисобида мағлуб этиб, мусобақанинг ярим финалига чиқди.
50 кг вазнда Шодиёржон Мелиқўзиев ҳам муваффақиятли иштирок этди. У чорак финалда ҳиндистонлик Конгкам Сингх устидан 4:1 ҳисобида ғалаба қозонди ва навбатдаги босқичга йўл олди.
Афсуски, 65 кг вазнда жанг қилган Саят Илясов тайландлик Пиднуч Хунатипга 0:5 ҳисобида мағлуб бўлиб, мусобақани тарк этди.
Ярим финал баҳслари олдидан жамоамиз учун муҳим ғалабалар ва муваффақиятли натижалар. Боксчиларимизга янада юқори босқичларда омад тилаймиз.
Бакрадзе Иман
Редактор