Ўзбекистонлик боксчилар Таиланддаги халқаро мусобақада 3 та бронза медални қўлга киритди
Расм: boxing.uz
Таиландда бўлиб ўтаётган халқаро бокс мусобақасида Ўзбекистон терма жамоаси аъзолари ярим финал босқичида рингга чиқиб, 3 та бронза медалга сазовор бўлишди.
-70 кг вазн тоифасида жанг қилган Ойша Тоирова хитойлик Жао Чунюанга қарши баҳсда 0:5 ҳисобида мағлуб бўлиб, бронза медали билан чекланди.
-80 кг вазнда Самандар Жалолов Танглатиҳан Туоҳетаербиек (Хитой)га қарши жангда 0:5 ҳисобида ютқазиб, мусобақани учинчи ўрин билан якунлади.
Мадияр Данияров эса ярим финалда иорданиялик Моҳаммад Абуга қарши баҳс олиб борди. Тенг курашда ўтган жанг ҳакамлар қарорига кўра 2:3 ҳисобида рақиб ғалабаси билан якунланди. Данияров ҳам бронза медали соҳиби бўлди.
Ўзбекистон терма жамоаси мусобақада ўз иштирокини давом эттирмоқда.
Бакрадзе Иман
Редактор