O‘zbekistonlik bokschilar Tailanddagi xalqaro musobaqada 3 ta bronza medalini qo‘lga kiritdi
Tailandda bo‘lib o‘tayotgan xalqaro boks musobaqasida O‘zbekiston terma jamoasi a’zolari yarim final bosqichida ringga chiqib, 3 ta bronza medaliga sazovor bo‘lishdi.
-70 kg vazn toifasida jang qilgan Oysha Toirova xitoylik Zhao Chunyuan bilan bahsda 0:5 hisobida mag‘lub bo‘lib, bronza medali bilan cheklanib qoldi.
-80 kg vaznda Samandar Jalolov Tanglatihan Tuohetaerbiek (Xitoy)ga qarshi jangda 0:5 hisobida yutqazib, musobaqani uchinchi o‘rin bilan yakunladi.
Madiyar Daniyarov esa yarim finalda iordaniyalik Mohammad Abu bilan bahs olib bordi. Teng kurashda o‘tgan jang hakamlar qaroriga ko‘ra 2:3 hisobida raqib g‘alabasi bilan yakunlandi. Daniyarov ham bronza medali sohibi bo‘ldi.
O‘zbekiston terma jamoasi musobaqada ishtirokini davom ettirmoqda.
