Ўзбекистонлик боксчилар Ислом Бирдамлик ўйинларида 6 та медални қўлга киритди

Саудия Арабистони мезбонлик қилган ушбу комплекс мусобақанинг бугун бокс баҳслари ўз якунига етди.

Якунларга кўра, 8 нафар боксчи билан иштирок этган вакилларимиз, 3 та олтин, 1 кумуш ва 2 та бронза медалларини қўлга киритишди.

Йигитларимиз яна бир бор ўз тоифасида пешқадам бўлишди. Умумжамоа ҳисобида бўлса иккинчи бўлдик, биздан олдинда Туркия жамоаси.

Ғолиб ва совриндорларимиз билан танишинг:

Олтин медал:
-60 кг. Мадияр Данияров
-65 кг. Абдуллоҳ Мадаминов
-57 кг. Хуморабону Мамажонова

Кумуш медал:
-60 кг. Одинахон Исмоилова

Бронза медал:
-51 кг. Зилолахон Юсуфова
-54 кг. Узукжамол Юнусова

Мураббийлар: Акмал Ҳасанов, Ислом Таджибаев, Рамзжон Ахмедов, Акмал Қосимов.

Розикжон Султонмуродов

Журналист