Япониялик «Монстри» Ахмадалиевга қарши жанг олдидан ўзбекистонлик боксчига зарба берган рақибдан ёрдам сўради
Наоя Иноуэ машғулотларига Марлон Тапалесни жалб қилди
Расм: Telegram
14 сентябр куни Токио шаҳрида супер енгил вазнда жаҳон чемпионилик камари учун катта тўқнашув бўлиб ўтади. Япониянинг машҳур бокчиси, Наоя Иноуэ ўз унвонини ўзбекистонлик Муроджон Ахмадалиевга қарши ҳимоя қилади.
Жанг олдидан икки боксер ҳам сўнгги тайёргарлик босқичида. Қизиғи шундаки, Иноуэнинг машғулотларига филиппинлик Марлон Тапалес ҳам қўшилди. Бу боксчи 2023 йилда Ахмадалиевни ҳакамлар қарор билан мағлуб этган эди. Бироқ кейинги жангда у айнан Иноуэдан нокаутга учраган.
Шунингдек, хабарларга кўра, Муроджон Ахмадалиев АҚШда ўтказган йиғиндан сўнг Токиога етиб келди ва ҳозирда жангга тайёргарликни давом эттирмоқда.
Бакрадзе Иман
Редактор