World Boxing Жаҳон кубоги: Ўзбекистон мусобақани ғалаба билан бошлади
Сабина Бобоқулова англиялик рақибасини мағлуб этиб, кейинги босқичга йўл олди
Расм: boxing.uz
Қозоғистоннинг Остона шаҳрида бўлиб ўтаётган World Boxing Жаҳон кубоги мусобақасида ўзбекистонлик боксчилар яхши старт билан қатнашмоқда.
-51 кг вазн тоифасидаги баҳсда Сабина Бобоқулова англиялик Келсей Оаклейга қарши рингга чиқди. Қаттиқ кураш остида кечган жангда ҳамюртимиз 4:1 ҳисобида ғалаба қозониб, мусобақанинг кейинги босқичига йўл олди.
Бу натижа боксчиларимиз учун мусобақага яхши кайфиятда кириб келиш ва ишонч билан давом этиш имконини яратди.
Бакрадзе Иман
Редактор