WBA Шаҳрам Ғиёсов ва Жарон Эннис ўртасидаги жангни расман маъқуллади
Ўзбек профессионал боксчиси Шаҳрам Ғиёсов навбатдаги жангини икки чемпионлик камари учун ўтказади. Жаҳон бокс ассоциацияси (WBA) амалдаги чемпион Жарон Энниска Шаҳрам Ғиёсовга қарши жангда унвонини ҳимоя қилишни буюрди. WBA регламентига кўра, Эннис 12 апрел куни Ражаб Бутаев устидан қозонган ғалабасидан сўнг 120 кун ичида Ғиёсовга қарши рингга чиқиши шарт.
Таъкидлаш жоизки, Жарон Эннис бир вақтнинг ўзида икки камар — WBA ва IBF соҳиби бўлиб, ушбу унвонлар полусредний вазн тоифасига тегишли.
Шаҳрам Ғиёсов — 2016 йил Рио-де-Жанейродаги Олимпия ўйинлари совриндори (кумушки медал), 2017 йилда ҳаваскорлар ўртасида жаҳон ва Осиё чемпиони (69 кг вазн тоифасида). У 2017 йилнинг Осиёдаги энг яхши боксчиси (ҳаваскорлар ўртасида) сифатида эътироф этилган ва “Ўзбекистон ифтихори” фахрий унвони соҳиби.
