Усик ўзининг 14-профессионал чемпионлигини қўлга киритди

23 майдан 24 майга ўтар кечаси Мисрда йирик бокс оқшоми бўлиб ўтди.

Турнирнинг асосий жангида супероғир вазнда WBA, WBC, IBF ва IBO камарлари соҳиби, мағлубият нималигини билмаган Олександр Усик ҳамда Glory’нинг собиқ чемпиони Рико Верхувен ўзаро тўқнаш келди.

Муросасиз кечган баҳс 11-раундда Усикнинг ғалабаси билан якунланди.

Украиналик боксчи учун бу ғалаба профессионал фаолиятидаги 14-чемпионлик жангдаги ютуғи бўлди. Умуман олганда, Усик профи рингда 25 та ғалабага эришган бўлиб, уларнинг 16 тасини нокаут билан якунлаган.

У 2013 йил ноябридаги дебютидан буён ҳалигача мағлубиятга учрамаган.

Розикжон Султонмуродов

Журналист