Усик ва Дюбуа реваншидан рекорд гонорарлар
Британия ва украиналик боксчилар реванш жангидан улкан миқдордаги даромад олади
Расм: gettyimages.com
Бокс бўйича WBA, WBO, IBO ва WBC ташкилотлари чемпионлик камарларига эга бўлган Александр Усик (23–0, 14 KO) Даниэл Дюбуа (22–2, 21 KO) билан бўладиган реванш жангидан 134 миллион доллар ишлаб олади. Бу украиналик боксчи учун фаолиятидаги энг йирик гонорар ҳисобланади.
Британиялик рақиб Дюбуа ҳам ушбу тўқнашувдан 72 миллион доллар даромад қилади — бу ҳам унинг шахсий рекорди саналади.
Усик сўнгги жангини 2024 йил 22 декабр куни Саудия Арабистонининг Эр-Рияд шаҳрида ўтказиб, Тайсон Фьюрини мағлуб этган ва 114 миллион долларлик чекқа эга бўлган эди.
Реванш жанг 2025 йил 19 июл куни Лондондаги «Уэмбли» стадионида бўлиб ўтади. Қаҳрамонлар ўртасидаги биринчи жанг 2023 йилда бўлиб ўтган ва унда Усик ғалаба қозонган эди.
Бакрадзе Иман
Редактор