Usik va Dyubua revanshidan rekord gonorarlar
Ukrainalik va britaniyalik bokschilar Londondagi jangdan millionlab dollar ishlab olishadi
Rasm: gettyimages.com
Og‘ir vazn toifasida WBA, WBO, IBO va WBC chempionlik kamarlariga ega bo‘lgan Aleksandr Usik (23–0, 14 KO) britaniyalik raqibi Daniyel Dyubua (22–2, 21 KO) bilan bo‘ladigan revansh jangidan 134 million dollar ishlab oladi. Bu ukrainalik sportchi uchun faoliyatidagi eng katta gonorar bo‘ladi.
Dyubua ham bu jangdan 72 million dollar ishlab topadi. Bu summa ham uning professional faoliyatidagi eng yirigi sanaladi.
Usik oxirgi jangini 2024-yil 22-dekabr kuni Ar-Riyodda o‘tkazib, Tayson Fyurini mag‘lub etgan va 114 million dollar ishlab olgan edi.
Revansh 2025-yil 19-iyul kuni Londondagi “Uembli” stadionida bo‘lib o‘tadi. Bokschilar 2023-yilda ilk bor to‘qnash kelishgan va o‘shanda g‘alaba Usik tomonida bo‘lgan.
Bakradze Iman
Redaktor