Тошкент Осиё чемпионати баҳсларига мезбонлик қилади
Бу ҳақда Ўзбекистон бокс федерацияси матбуот хизмати хабар берди.
Фото: Boxing Uzbekistan
Asian Boxing ташкилоти 2026 йилги Осиё чемпионатларига расмий мезбонларни эълон қилди. Бу ҳақда Ўзбекистон бокс федерацияси матбуот хизмати хабар берди.
Унга кўра, дастлаб катталар иштирокидаги Осиё чемпионати 28 мартдан 11 апрелгача Мўғилистоннинг Улан-Батор шаҳрида ўтказиладиган бўлди.
Тошкент бўлса, ўсмирлар (U-15) ва ёшлар (U-17) ўртасидаги Осиё биринчилигига мезбонлик қилади. Ўтказилиш вақти: 1-16 май.
2026 йилги U-19 ва U-22 чемпионатини қабул қилишни бўлса, Жакарта ўз бўйнига олди. Вақти: 3-16 июль.
Розикжон Султонмуродов
Журналист