The Ring P4P рейтинги янгиланди — «Канело» етти йил ичида илк бор кучли ўнликни тарк этди
Йирик бокс турнирларидан сўнг нуфузли The Ring журнали янгиланган Pound-for-pound рейтингини эълон қилди.
The Ring талқинига кўра Pound-for-pound рейтинги кучли ўнталиги қуйидагича шаклланди:
1. Терренс Кроуфорд
2. Александр Усик
3. Наоя Иноуэ
4. Жесси Родригес
5. Дмитрий Бивол
6. Артур Бетербиев
7. Дзунто Накатани
8. Шакур Стивенсон
9. Девид Бенавидес
10. Девин Ҳейни
Янгиланишдан аввал рўйхатнинг ўнинчи поғонасида машҳур мексикалик боксчи Саул «Канело» Алварес жой олган эди. Бироқ Девин Ҳейни Брайан Норманни ҳакамлар якдил қарори билан (114–113, 117–110 ва 116–111) мағлуб этиб, биринчи ярим ўрта вазнда WBO камарини қўлга киритгач, ўнинчи поғонани эгаллади ва Канелони рейтингдан сиқиб чиқарди.
Шу тариқа Саул Алварес The Ring рейтинги кучли ўнталигидан етти йил ичида илк бор чиқиб кетди.
