Теремоана Жуниор: Жалолов мендан қочиши мумкин
Австралиялик супероғир вазн тоифасидаги мағлубиятсиз боксчи Теремоана Жуниор (8-0, 8 KO) келгусидаги режалари ва Баҳодир Жалолов ҳақида ўз фикрларини билдирди.
— Мен бу ерга чемпион бўлиш учун келганман. Албатта, бунга эришиш осон эмас — ҳар бир рақибни босқичма-босқич енгиш керак. Мен “Fight Night” ўйинидаги каби ҳар бир рақибни мағлуб этиб, чўққига чиқмоқчиман, — деди Теремоана.
— Жалолов? У яхши боксчи, мен уни ҳурмат қиламан. Олимпиадада икки марта зафар қучган. Лекин агар у мен билан профессионал рингда тўлиқ 12 раундлик жанг қилса — қоча олмайди. Балки яхши пул таклиф қилинса, жангга чиқар. Лекин менимча, у мендан қочади, чунки менинг кучимни билади. Шунинг учун у мендан узоқ туришга ҳаракат қилади, — дея қўшимча қилди у.
Эслатиб ўтамиз, 14 июн куни Теремоана ўз юртидаги жанг кечасида Алим Уитфилдни нокаут этди. Бу унинг кетма-кет саккизинчи ғалабаси бўлди — ҳаммаси нокаут билан.
