Teremoana Junior: Jalolov mendan qochishi mumkin
Avstraliyalik superog‘ir vazn toifasidagi mag‘lubiyatsiz bokschi Teremoana Junior (8-0, 8 KO) kelgusi rejalari va Bahodir Jalolov haqida o‘z fikrlarini bildirdi.
— Men bu yerga chempion bo‘lish uchun kelganman. Albatta, bunga erishish oson emas — har bir raqibni bosqichma-bosqich yengish kerak. Men “Fight Night” o‘yinidagi kabi har bir raqibni mag‘lub etib, cho‘qqiga chiqmoqchiman, — dedi Teremoana.
— Jalolov? U yaxshi bokschi, men uni hurmat qilaman. Olimpiadada ikki marta zafar quchgan. Lekin agar u men bilan professional ringda to‘liq 12 raundlik jang qilsa — qocha olmaydi. Balki yaxshi pul taklif qilinsa, jangga chiqar. Lekin menimcha, u mendan qochadi, chunki mening kuchimni biladi. Shuning uchun u mendan uzoq turishga harakat qiladi, — deya qo‘shimcha qildi u.
Eslatib o‘tamiz, 14 iyun kuni Teremoana o‘z yurtidagi jang kechasida Alim Uitfildni nokaut etdi. Bu uning ketma-ket sakkizinchi g‘alabasi bo‘ldi — hammasi nokaut bilan.
