Таиланддаги мусобақа: Фозилова, Казакова ва Дўсматов финалда, Ҳамидова — бронза билан
Таиландда ўтаётган халқаро бокс мусобақасининг ярим финал баҳсларида ўзбекистонлик спортчилар муваффақиятли иштирок этди.
-48 кг вазн тоифасида Фарзона Фозилова украиналик Олга Шалимовага қарши рингга кўтарилди ва 5:0 ҳисобида ишончли ғалабага эришиб, финалга йўл олди.
-54 кг вазнда Феруза Казакова Таиланд вакили Аписада Тантавани иккинчи раундда мағлубиятга учратиб, финалга чиқди.
-55 кг вазнда Фарёзбек Дўсматов қирғизистонлик Ислам Торобаевга қарши жангда устунлик қилди ва 5:0 ҳисобида ғалаба қозонди. У ҳам финалда ўз омадини синаб кўради.
Афсуски, -65 кг вазн тоифасидаги ярим финалда Навбаҳор Ҳамидова хитойлик Лиу Янгга қарши жангда 0:5 ҳисобида мағлуб бўлди. Шундай қилиб, боксчимиз мусобақани бронза медали билан якунлади.
Финал жанглари эртага бўлиб ўтади. Спортчиларимизга омад тилаймиз.
