Таиланддаги мусобақа ғалаба билан бошланди: Данияров ва Казакова рақибларини енгди
Ўзбекистонлик чармқўлқоп усталари халқаро турнирда ишончли старт қайд этди
Расм: boxing.uz
Таиланднинг Бангкок шаҳрида старт олган бокс бўйича “Thailand Open” халқаро мусобақасида ўзбекистонлик спортчилар муваффақиятли иштирокни бошлашди.
-60 кг вазн тоифасида рингга кўтарилган Мадияр Данияров украиналик Власиук Максимга қарши жангда 3:2 ҳисобида зафар қучди. Қатъиятли ва тенг курашлар шароитида ўтган жангда Данияров ҳакамлар қароридан сўнг ғалаба сари илгарилади.
Шунингдек, аёллар ўртасидаги -54 кг вазн тоифасидаги жангда Феруза Казакова яна бир украиналик спортчи — Инна Статкевични 5:0 ҳисобида мағлубиятга учратди. Унинг устунлиги жанг давомида яққол кўзга ташланди.
Мусобақа доирасида юртимиз боксчилари яна бир қатор жангларда иштирок этишади.
Бакрадзе Иман
Редактор