Ўсмирларимиздан юз фоизлик натижа! Барча боксчилар — олтин!
10–14 июн кунлари Қирғизистоннинг Чўлпон-Ота шаҳрида ўтказилган IX халқаро «Қирғизистон гавҳари» спорт ўйинлари ўз ниҳоясига етди. Турнир доирасидаги бокс баҳсларида юртимиз шарафини ўсмирлар терма жамоаси муносиб ҳимоя қилди.
Бахтиёржон Тўрабоев бошчилигида мусобақага йўл олган 7 нафар ёш боксчимиз барча рақибларини мағлуб этиб, олтин медалларга эга чиқишди. Бу – юз фоизлик натижа демакдир!
Ғолиблар рўйхати:
-42 кг — Абдуворис Раҳимжонов
-44 кг — Камронбек Баҳодиров
-46 кг — Жавлонбек Маҳамадисақов
-54 кг — Асадбек Эсонбоев
-60 кг — Иброҳим Шокиржонов
-80 кг — Жаҳонгир Тўйчибоев
+80 кг — Асадбек Султонбоев
Мураббий: Бахтиёржон Тўрабоев
Бу ютуқ нафақат ёш боксчиларимиз, балки Ўзбекистон бокси учун ҳам муҳим натижа бўлди. Йигитларимизга келгусида ҳам омад ва янги ғалабалар тилаймиз!
