Osmirlarimizdan yuz foizlik natija! Barcha bokschilar — oltin!
10–14 iyun kunlari Qirg‘izistonning Cho‘lpon-Ota shahrida o‘tkazilgan IX xalqaro «Qirg‘iziston gavhari» sport o‘yinlari o‘z nihoyasiga yetdi. Turnir doirasidagi boks bahslarida yurtimiz sharafini o‘smirlar terma jamoasi munosib himoya qildi.
Baxtiyorjon To‘raboyev boshchiligida musobaqaga yo‘l olgan 7 nafar yosh bokschimiz barcha raqiblarini mag‘lub etib, oltin medallarga ega chiqishdi. Bu – yuz foizlik natija demakdir!
G‘oliblar ro‘yxati:
-42 kg — Abduvoris Rahimjonov
-44 kg — Kamronbek Bahodirov
-46 kg — Javlonbek Mahamadisakov
-54 kg — Asadbek Esonboev
-60 kg — Ibrohim Shokirjonov
-80 kg — Jahongir To‘ychiboyev
+80 kg — Asadbek Sultonboev
Murabbiy: Baxtiyorjon To‘raboyev
Bu yutuq nafaqat yosh bokschilarimiz, balki O‘zbekiston boksi uchun ham muhim natija bo‘ldi. Yigitlarimizga kelgusida ham omad va yangi g‘alabalar tilaymiz!
